Valentin Vallhonratek eta Rafael Levenfeldek komisariatutako erakusketa honetan, Antoni Arissaren zuri-beltzeko 153 argazki ikus daitezke, eta haren ibilbide profesionala hiru bloke estilistikotan banatu dute: piktorialismoa, 1922 eta 1928 artean; modernitatearen soluzio bisualetaranzko bilakaera, 1930eko hamarkadaren hasierara arte; eta ikuskera berria, 1930etik 1936ra arte.
Erakusketa hobeto ezagutzeko, euskaraz bisitaldi gidatua egiteko aukera izango da hilaren 17an; 19:00etan. Aurretik izena eman beharko da 945 77 68 58 telefonoan.
