Oihanederrek ere badauka uda honetan etxeko txikienei eta beren familiei zuzendutako eskaintza berezia. Dona Dona Katona zikloaren baitan, bi lantegi antolatu ditu iraileko asteazken arratsaldetarako:
- Irailaren 2an, Makedo. Kartoiarekin sortzeko tailerra.
- Irailaren 9an, Bitxigintza eta osagarriak sortzeko tailerra.
Makedo
Irailaren 2an Makedoren munduan murgiltzeko parada izango dute izena eman dutenek: kartoiak erabilita, torloju eta erreminta ezberdinen bidez, jolasteko lekuak eta irudimenak uzten dien edozer eraikitzeko aukera izango dute.
Uztailaren 20tik aurrera irekiko dira gonbidapenak eskuratzeko aukerak. Interesa daukaten ume eta familiek bi lantegietako batean bakarrik eskura ditzakete gonbidapenak. Bigarrenean gonbidapenak lortu nahi izanez gero, itxaron zerrendan geratuko dira interesdunak; leku librerik egongo balitz, kontuan hartuko da bere izen-ematea.
Gonbidapenak eskuratzeko honako aukerak daude erabiltzaileen eskura:
- Bibe plataforman.
- oihaneder@oihaneder.eus helbide elektronikora idatzi.
- Telefonoz eskatuta: 615 986 832, 10:00etatik 12:00etara.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.