Ehunka pertsona bildu ziren astelehen gauean Gasteizko Alde Zaharrean, Baskoniaren garaipena ospatzeko. Baskoniazaleen euforiak osasun krisiaren testuinguruan ezarritako segurtasun neurriak ez errespetatzea eragin zuen une batzuetan. Jende uholdea Andre Maria Zuriaren plazaraino iritsi zen, eta, besteak beste, bengalak piztu zituzten balkonadatik.
Kritika ugari egon dira sare sozialetan, zaletuen arduragabekeria salatzeko. Gorka Urtaran alkateak, sare sozialetan zabaldutako mezu batean, irudiekin "oso kezkatuta" dagoela adierazi du: "Iritsiko da ospakizunetarako garaia. Gau alai bat ez dadila tragedia eta sakrifizio asteetan bihurtu. Gure osasun langileek eta nagusiek ez dute merezi, ezta hiriak ere. Saihestu pilaketak. Zuhurtzia, mesedez".
Hainbat iturriren arabera, ospakizuna atxilotu batekin, bi ertzain zaurituekin eta gehienezko edukiera gainditu zuen diskoteka baten desalojoarekin amaitu zen.
Eldiarionorte.es hedabideak argitaratu duenez, gertakari larriena The Garage aretoan izan da. San Anton plazan kokatutako lokalaren jabeek Poliziari deitu behar izan zioten, edukiera kontrolatzeko gai ez zirelako. Gertakaria 4:00etan jazo da, Maialen Ferreira kazetariaren arabera.
???? Ehunka pertsona bildu dira Gasteizko Alde Zaharrean Baskoniaren garaipena ospatzeko.
— Arabako ALEA (@ArabakoALEA) June 30, 2020
???? Baskoniazaleen euforiak segurtasun neurriak ez errespetatzea eragin du une batzuetan.
???? [KRONIKA] Baskonia ligako txapeldun https://t.co/ijDmqheJ5d pic.twitter.com/aKZ7R6sosJ
???????? Baskoniaren garaipenaren ospatzeko jende uholdea Andre Maria Zuriaren plazaraino iritsi da. Bengalak piztu dituzte balkonadatik.
— Arabako ALEA (@ArabakoALEA) June 30, 2020
???? [KRONIKA] Baskonia ligako txapeldun https://t.co/ijDmqheJ5d pic.twitter.com/0TPRqQzFRz