Suspertze Planaren barruko laguntzak eskatzeko epea ostegunean irekiko da

Lehen alkateorde eta Ekonomia Sustapenaren zinegotzi Maider Etxebarria. / GASTEIZKO UDALA

Merkatariei, ostalariei, hotelariei eta hainbat sektoretako enpresa txikiei pandemiaren ondorioen aurrean laguntzeko, Gasteizko Ekonomia Suspertzeko Planaren barruko lehen diru laguntzak abian dira.

Lehen alkateorde eta Ekonomia Sustapenaren zinegotzi Maider Etxebarriak aurreratu duenez, enpresak sortu eta finkatzeko laguntzak -126.700 euroko aurrekontuarekin- bihar argitaratuko dira ALHAOn. Ostegunean, ekainaren 11n, herritarrek aukera izango dute laguntza horiek eskatzen hasteko, hilabete luzatuko da epea.

Laguntza eta ekimen sorta handia biltzen du Gasteizko Udalak abiatutako planak, merkatariei, ostalariei, hotelariei eta hainbat ekonomia-sektoretako enpresa txikiei pandemiaren ondorioen aurkako borrokan laguntzeko.

Besteak beste, datorren astelehenean, segurtasun-materiala erosteko aparteko laguntzak -750.000 euroko aurrekontua- eskatzeko epea irekiko dela aurreratu du Etxebarriak. Kasu honetan, epea hamabost egun iraungo du eskabideak aurkezteko epea. Diruz lagundu daitezkeen gastuen artean daude maskarak, eskularruak, aurpegia babesteko pantailak, manparak, prebentzioko eta higiene sanitarioko materiala, eta instalazioak desinfektatzeko materiala, hala nola gel edo xaboi desinfektatzaileak.

Birusak eragindako aholkularitza eta kontsultoria gastuak ere finantzatuko dira, baita itxialdian eraldaketa digitalarekin lotuta egin diren inbertsioak ere.

Gehienez hamar langile dituzten enpresek eskatu ahal izango dituzte laguntza horiek.

Erlazionatuak

Normaltasun berria Gasteizen: espazio publikoa, tokiko ekonomia eta gizarte politikak

Gasteiz

Aste honetan, hiria normaltasun berrira egokitzeko hiru plan aurkeztu ditu Gasteizko Udalak, hiru helbururekin: espazio publikoa eraldatzea, tokiko...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide