Irailean hasiko da Gasteizko udal haur eskolen ikasturtea

Haurtzaro haur eskola, Gasteizko Alde Zaharrean. / ALEA

Osasun krisia dela eta, Gasteizko Udalak erabaki du udalaren haur eskoletan ikasturtea amaitzea. Horrenbestez, Hezkuntza Zerbitzuaren mendeko bost eskolak irailean hasiko dira berriro jardunean.

Udalak azaldu duenez, matrikulatutako haurren segurtasuna bermatzeko "ezintasunak" behartu du erabakia hartzera.

Orotara, 25 eskolak osatzen dute 0-3 urte bitarteko umeentzako haur eskolen sarea Gasteizen, eta 1.433 plaza eskaintzen dituzte Udalaren eta Haurreskolak Partzuergoaren artean.

Horien artean, Udalaren haur eskolen sareak bost zentro ditu: Haurtzaro (Alde Zaharrean), Sansomendi, Zaramaga, Lourdes Lejarreta (Lakuan) eta Zabalgana.

Matrikulazio-epea

Bihar, maiatzak 28, 2020-2021 ikasturterako matrikulazio-epea irekiko da udalaren haur eskoletan zein Haurreskolak Partzuergokoetan. Izapidea internet bidez egin ahal izango da, eta baita herritarrei laguntzeko bulegoetan ere, hitzordua hartuta.

 

Erlazionatuak

Gasteizko haur eskolen matrikulazioa maiatzaren 28an hasiko da

Gasteiz

Maiatzaren 28tik aurrera, internet bidez edo herritarrei laguntzeko bulegoetan egin ahal izango da izapidea, hitzordua aldez aurretik hartuta.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide