Talkaren desalojoa salatu dute Gasteizko udaletxearen aurrean

Segurtasun distantzia errespetatuz, dozenaka lagun bildu dira Gasteizko Plaza Berrian, Talka espazio feministaren goizeko desalojoa salatzeko. Okupazioaren aldeko oihuen artean, jendetza bildu da alarma egoeran egindako lehen mobilizazioetako batean.

Desalojo saiakeratik astebetera, Ertzaintza Talka espazio feministara itzuli da ostiral goizean, berriro desalojatzeko eta hormatzen amaitzeko. "Usurpazio eta desobedientzia" delituak egotzita, Talka barruan zeuden kideak atxilotu dituzte, eta lokala hormatu dute.

Talkako kideek "auzoa saltzeari uzteko eta bizilagunak defendatzeko" eskatu diote Gasteizko alkate Gorka Urtarani, "espekulatzaileak defendatzeko baliabide publikorik ez jartzeko". Eta, halaber, Adolfo Dominguezen esku zegoen Hedegile kaleko 33. zenbakiko lokala nola amaitu zen argitzeko galdegin diote.

Erlazionatuak

Talka espazio feminista berriro desalojatu du Ertzaintzak

Gasteiz

Desalojo saiakeratik astebetera, Ertzaintza Talka espazio feministara itzuli da, berriro desalojatzeko eta hormatzen amaitzeko. "Usurpazio eta deso...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide