Sei urte Borja Lazaro Kolonbian desagertu zenetik

Borja Lazaro 2014ko urtarrilaren 7ko gauean desagertu zen. / Argazkia: Alea

Ingurukoek The Tap tabernan antolatutako kontzertu batekin gogoratuko dute gasteiztarra larunbatean, desagertu zenetik sei urte igaro direnean.

Oroimen ekitaldia Manuel Iradier kaleko 7. zenbakian dagoen The Tap tabernan izango da, 19:30etik aurrera. Bertan arituko dira Alison Keable, Beitia eta Similar Interests taldeko Victor Gutierrez.

Aurreko urteetan elkarretaratzea egin dute, baina aurten kontzertuak ordeztuko du, xede berarekin, Borja Lazaro gogoratzea eta hura bilatzeko lanei berriro ekin dakiela galdatzea.

Gasteiztarra Kolonbian desagertu zenetik sei urte igaro diren honetan, hura gogoratzeko deia egin die Gasteizko Udalak herritarrei. "Maitasuna eta gertutasuna" adierazi dizkie alkate Gorka Urtaranek Cabo de la Velan (La Guajira, Kolonbia) desagertutako gaztearen familiari eta lagunei. Horrez gain, alkateak ere bilaketa-lanei berriro ekitea eskatu du.

Borja Lazaro 2014ko urtarrilaren 7tik 8ra bitarteko gauean desagertu zen. Geroztik, haren familiak eta lagunek ez dute aurkitzeko itxaropena galdu, eta horregatik "etengabe" mobilizatzen jarraituko dutela adierazi dute behin baino gehiagotan. Ikerketekin jarraitzea eskatzen dute, zer gertatu zen argitu eta Borja non dagoen jakin arte.

Erlazionatuak

"Eskean ari garen sentsazioa dugu, ate batetik bestera"

Cabo de La Vela herrian ikusi zuten azkenekoz Borja Lazaro gasteiztarra; desagertu zeneko hirugarren urteurrenean, bilaketa "berpizteko" lanean dir...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide