Ekainean, emakumearen alde ebatzi zuen EAEko Auzitegi Gorenak eta, horren arabera, lanpostura itzultzeko eskubidea eskuratu zuen. Hala ere, LABek azaldu duen bezala, "emakume honen kontrako zigor kanpaina" ez da amaitu.
Amatasun baimena amaituta, bere lanpostura itzuli behar zen emakume langilea, baina Palacio de Elorriaga hoteleko zuzendaritzak bere kaleratzea negoziatzen saiatu dela salatu dute. Sindikatuaren arabera, langilearen ezezkoari lanpostuaren eta soldataren 10 eguneko suspentsioarekin erantzun dio enpresak.
"Emakume honen kontrako kanpainak enpresatik kanpo ikusi arte" jarraituko duela ondorioztatu du sindikatuak. "Eskubideak aldarrikatzen diren bakoitzean kaleratze-mehatxuak egotea" ez dutela onartuko eta diskriminazio sexisten aurrean "salaketa kolektiboa" egitearen beharra defendatu dute.
