Esku pilotaz gozatzeko aukera izango da Gasteizko jaietan

Ogetan jokatuko da ohiko pilota jaialdia. / Assar - Wikipedia

Asteartean zehar lortutako akordioari esker, jaietan pilota jaialdia ospatuko da azkenik.

Azken orduko elkarrizketei esker, Gasteizko Udalak eta LEPM-k, Eskuzko Pilota Enpresen Ligak, Gasteizko jaietan ohiko pilota jaialdia eskaintzeko akordioa itxi dute. 

Jaialdiaren xehetasunak datorren astean ezagutaraziko dituzte arduradunek, baina aurrerarutako informazioen arabera, ohiko binakako txapelketa formatua ospatuko da. Finalerdiak abuztuaren 5ean eta 6an jokatuko dira, eta finala abuztuaren 9an izango da. 

Beste urte batzuetan jokatu izan den manomanista finalaren errebantxarik izango ez bada ere, zaletuek, azkenik, goi mailako pilota partidez gozatzeko aukera izango dute aurtengoan ere.

Erlazionatuak

Pilota airean

Gasteiz

Gasteizko jaiak hasteko egun gutxiren faltan, ez dago esku pilota jaialdirik izango den bermerik.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide