Tabernetan kontzertuak antolatzeko muga kendu du Gasteizko Udalak

Tabernetan kontzertuak antolatzeko muga kendu du Gasteizko Udalak
Arteak Ireki plataformaren elkarretaratzea. ALEA

Musika eta antzerki-ikuskizunak aldez aurretik jakinarazi beharko zaizkio Udalari.

Hainbat baldintza betez gero, kontzertuak eta bestelako ikuskizunak egiten jarraitu ahalko dute Gasteizko tabernetan, Udalak bertan behera utzi baitu otsailean Eusko Jaurlaritzak onartu zuen muga orokorra. Hala ere, musika eta antzerki-ikuskizunak aldez aurretik jakinarazi beharko zaizkio Udalari, eta udal araudian ezarritako baldintzak bete beharko dituzte tabernek, hala nola, lokalaren edukiera, ordutegia eta zarataren ingurukoa.

Gorka Urtaran alkatearen esanetan, Udalak egin duen interpretazioarekin, Eusko Jaurlaritzaren erregulazioaren asmoa betetzen da, eta, aldi berean, ez da kalterik eragiten "hiriko bizitza kulturalean eta sozialean". Halaber, alkatearen esanetan, hiriko bizilagunek atsedenerako duten eskubidea bermatuko da. 

Erlazionatuak

"Arteak irekitzeko" deia egin dute

Araba

Kontzertuak murrizteko dekretuak erantzuna izan du Arteak Ireki plataformarekin; formatu txikiko espazioetako eskaintza "babestu eta indartzeko" es...

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide