Martxoaren 3a da gaur. Espainiako Poliziak Gasteizen hil zituen bost langileen borroka gogora ekartzeko eguna, eta aldi berean, frankismoaren inpunitatea salatzeko data. ELA, LAB, ESK eta Steilas sindikatuek omenaldia eta manifestazioa deitu dute arratsaldean. Martxoak 3ko plazatik abiatuko da manifestazioa, 18:00etan, eta aldez aurretik, 17:30ean, ohiko lore eskaintza egingo dute
Errekaleor Bizirik-ek 1976. urtean hildako langileak oroitzeko bideo bat egin du, duela 43 urteko irudiak erabiliz.
