Kirolean, etxeko zalegoaren aurrean jokatzeak beti eman ohi du bizitasun puntu gehigarri bat eta Araskik horri mesede atera nahi izan dio Cadi La Seuren kontrako final laurdenean.
Lehen minutuetan behintzat, kantxa faktoreari etekina ateratzen asmatu dute eta zenbait minututan talde katalana mendean hartzea lortu dute.
Tamalez, katalanak faborito ziren kanporaketan eta horren zergatia bigarren zatian erakutsi dute. Gasteiztarren hasiera bikainari erantzuna ematen asmatu dute, markagailua irauli eta azken minutuetan aurretik izanda jokatzea lortu dute.
Urduritasunak nagusi izan dira azken minutuetan, eta tamalez Koparen ametsari jarraipenik eman ezinda geratu dira Araskizaleak.
