Datorren maiatzaren 29an, asteartean, hitzordua Parral tabernan izango da, izan ere, GEU elkarteak antolatuta, TARA talde gasteiztarrak zuzenekoa eskainiko du. Bertan, udaberrian grabatu duten euren lehen diskoa Tara aurkeztuko dute.
Nagore eta Jenko Tara taldeko kideek AleaFMn azaldu bezala, "rock kontzertu bat eskainiko dugu, baina gure nortasuna adierazten saiatuko gara". Horretarako, laukoteak autoekoiztutako lanaren kantak zein bertsioren bat joko dute Alde Zaharreko tabernan; Nagoreren iritziz, "xarma berezia duen lekua". Tara izeneko disko berriko abestiek soinu ilun eta rockeroak une melodikoekin uztartzen dituzte, "giro ilunak momentu lasai eta biziekin nahastuz". Hitzetan, aldiz, "istorio pertsonal zein arlo sozialeko gaiak lantzen ditugu".