Martxoak 3, 42.urteurrena

Omenaldiak eta ekitaldiak, martxoaren 3ko biktimak gogoratzeko

Erredakzioa 2018ko mar. 2a, 10:15

Larunbat arratsalderako Martxoak 3 elkarteak deitutako omenaldia eta manifestazioa ekitaldi nagusiak izango dira, baina bestelako eragileek ere antolatu dituzte ekimenak.

42 urte pasa dira poliziak Zaramagan bost langile gasteiztar hil zituenetik. Urtero bezala, mobilizazioak eta ekitaldiak izango dira martxoaren 3aren bueltan. Martxoak 3 elkarteak eta sindikatuek antolatutako ekimenez gain, gizarte eragileek 1976ko egun horietan gertatutakoak gogoratzeko jarduerak antolatu dituzte.

Martxoak 1, osteguna

18:30 Imanol Olabarriarekin solasaldia, Sumendin. Agur 78 mugimenduak antolatuta.

19:30 Volver a Vitoria, 3-3-76 ikus-entzunezkoaren proiekzioa, Aldabe gizarte etxean. 1977an Carles Cabrellesek eta Miguel Montesek grabatutakoa.
 

Martxoak 2, ostirala

14:00- 15:00: Zutabeak ikastetxeetatik, Agur 78 mugimenduak antolatuta.
 
15:00: Bazkaria, Agur 78 mugimenduak antolatuta. Errotako parkea.
 
16:00: Indar okupatzaileen aurkako bizikleta martxa. Agur 78 mugimenduak antolatuta.

19:30: Vitoria, 3 de marzo pelikularen making off-a, eta ondoren solasaldia Emakumeen papera. Errekaleorren.
 
21:00: Zaramagako memoriala Martxoak 3 plazan, Martxoak 3 elkartearekin. Agur 78 mugimenduak antolatuta.

 

Martxoak 3, larunbata

Goizean, alderdi politikoen lore-eskaintza, Martxoak 3 plazan.
 
13:30: Zuhaitz landatzea, Abetxukun, Uribe Nogales auzo elkarteak antolatuta.
 
18:00: Gazte blokea, Hala Bedi kantoitik.
 
18:30: Omenaldia, Martxoak 3 plazan. Martxoak 3 elkarteak, sindikatuek eta eragile sozialek antolatuta.
 
19:00: Manifestazioa, Martxoak 3 plazatik Andre Maria Zuriaren plazaraino. Bertan, mugimendu feministak ekitaldia egingo du.
 
20:00: Vitoria, 3 de marzo pelikularen teaserraren aurkezpena, Euskal Zinemaren Astearen barruan. Vital Fundazioa aretoan, Dendaraban. Victor Cabaco zuzendaria eta zenbait aktore grabazioaren nondik norakoak azalduko dituzte.
 
21:00: Pikoteoa eta kontzertuak: Nekez, El Sonido de la metralla eta MJ, Errekaleorren.

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide