Gasteizko Alde Zaharrean margoketa faxistak agertu dira berriz ere. Orain hilabete bat, svastikak agertu ziren Aiztogile eta Pintore kaleetan, eta bart gauean, antzeko ikurrak margotu dituzte. Aurrekoan bezala, Hala Bedi tabernan svastika bat margotu dute. Gauza bera egin dute Txapelarri tabernaren pertsianan, "SMS" hitzarekin batera.
Aldi berean, Hala Bedi irratiak sare sozialen bitartez jasandako erasoa salatu du. Zehazki, Falange Vasconavarra taldeko Twitter kontutik zabaldutako mezuaren berri eman dut. Bertan, Hala Bedi irratiko egoitzaren eta sagutegi baten irudiak jarri dituzte, irratiko helbidearekin batera.
