[TOPAKETA] 'Gazte sortzaileak 2017'

Gazte sortzaileak bekaren nondik-norakoak azaltzeko topaketa informatiboa egingo da Zas Kultur aretoan (Hedegile kalea 84). Bertan 2016ko bekako irabazleek – Iñaki landak, Beñat Goitiak eta Marina Suarezek – eta deialdiaren arduradunek orientazioa eta aholkuak emango dituzte, aurtengo deialdian parte hartzeko asmoa dutenek ahalik eta proiektu onena aurkeztu dezaten.

16-35 urte bitarteko gazteei zuzendutako Gazte Sortzaileak bekak euskarazko kultur ekitaldiak sortzen laguntzea du xede. Aurten 21.000 € daude egitasmoak aurrera eramateko. Epea: 2017ko uztailaren 1era arte.