Martxoak 3

Martxoak 3 memoriala San Frantzisko elizan inauguratzeko baimena eman du Gotzaintzak

Erredakzioa 2016ko ots. 15a, 12:00

Elizako espazio zehatz bat erabiltzeko baimena martxoaren 2ra mugatu du Gotzaintzak. Martxoak 3 elkarteak baimena luzatzeko eskaera egingo dio Gotzain berriari.

Gasteizko Gotzaintzak baimena eman du martxoaren 3ko gertakariez oroitzeko memoriala San Frantzisko elizan bertan inauguratzeko. Martxoak 3 elkarteak iragarri duenez, ordea, baimen hori soilik egun batekoa izango da, martxoaren 2an, hain zuzen ere . Momentu honetan, eliza barruan memoriala egiteko espazio egokia bilatzen ari dira.

“Etorkizunean baimena luzatzea espero dugu, urte osoan bertaratzen diren bisitariek  ere memoriala bere osotasunean  ikusteko aukera izan dezaten”, azaldu du Martxoak 3 elkarteak ohar baten bidez.  Horretarako, hiriko Gotzain berriarekin elkarrizketa abian jarriko dutela azaldu dute elkartetik.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide