En Tol Sarmiento taldeak emango du aurtengo Mahats Bilketaren Jaiaren pregoia, antolatzaileek gaur iragarri dutenez. Irailaren 15ean izango da aurtengo hitzordua, Moredan.
Mara Garcia Moredako alkateak eskertu nahi izan du taldekoek egin duten "ahalegin handia" Galizian zuten kontzertu baten datak aldatzeko. Antolatzaileen esanetan, argi izan dute hasierarik "ordu eskasetan hemezortzi hilabete barru egin behar diren kontzertuetarako 45.000 sarrera saltzeko gai den" bertako talde bat baino aproposagorik ez dagoela halako jai bati hasiera emateko.
Datorren urtean bi hamarkada beteko ditu oholtza gainean Ekorako taldeak, eta, aitzakia horren bueltan, Barakaldoko BECen hiru kontzertu prestatzen ari dira. Gogora ekarri dutenez, Vendimia seleccionada izeneko maketarekin hasi zuten beren ibilbide artistikoa, "Moredako hitzorduaren aurrekari argia".
"Zure jendearekin etxean egotea oso garrantzitsua da, eta ziur naiz horri igarriko dela", aurreratu du Iñigo Etxazarreta ETSko abeslariak.