"Gin, gin, gin, euskaraz hitz egin", "Ari, ari, ari, euskara lehendakari", "Hemen gaude euskararen alde"... Bai, iritsi zaigu euskararen aldeko herri-lasterketa, zortzigarren aldiz iritsi ere. Oiongo eskola, ikastola eta IKA euskaltegia aritu dira Oiongo lasterketaren prestaketan, aurrekoetan bezala. 12 urtetik beherakoek 1 € ordaindu beharko dute parte hartzeko, eta hortik gorakoek 2€. Ibilbidea kilometro ingurukoa da. Ondoren, parte-hartzaile guztien artean Euskaraldiko materiala zozketatuko dute. Eta, jarraian, Euskaraldiko eta Mintzalaguneko izen-ematearekin hasiko dira. Gainera, egun horretarako, Mintzalagunekoek tonbola bat prestatu dute.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?