Disko berriaren aurrerapena aurkeztu du En Tol Sarmientok

Duela gutxi zendu den Isidra amonari omenaldia egin nahi izan dio Iñigo Etxezarreta abeslariak. 

En Tol Sarmiento taldeak Abuela maitea (Baga Biga) abestia aurkeztu du ohiko musika plataformetan, Durangoko azokarako prestatzen ari diren disko berriaren aurrerapen modura. Iñigo Etxezarreta abeslariaren amonari eskainitako kanta da, eta kaleratutako bideoan amonak eta bilobak partekatutako uneak azaltzen dira.

Taldeak azken urteetan izan duen eboluzioa jarraituta, rock eta ska doinuak atzean utzi eta pop gisako musika lasaiagoa egiteko joera mantendu du taldeak azken kanta honetan. 

"Orain arte ez dut aurkitu abagunerik onena aitortzeko besteen aurrean niretzat zu izan zarena", dio abestiaren pasarte batek. "Baina orain ulertzen dut betirako ez garela. Abesti hau zuretzako da, abuela maitea". 

Jarraitzaileen lehen erreakzioak agertzen hasi dira sare sozialen bitartez, eta horietako askok bereziki azpimarratu dute abestiak eragindako zirrara; batzuek galdutako amonen oroitzapenak azaleratu dituzte, bai eta horiekin bizi izandako une kuttunak ere. 

Bideoarekin batera zabaldutako irudietan Isidra temati agertzen da azken uneraino, eta baliatzen du Etxezarretak emandako musua haren desioaren berri emateko: "Elizaren bidez ezkondu behar duzu. Horrek asko poztuko ninduke!". 

Erlazionatuak

"Ohiko kontzertu bat baino, espektakulu bat prestatu dugu"

Gasteiz

Azken garaietan estilo eta formatu berriei ekin die En Tol Sarmiento talde arabarrak. Abuztuaren 6an Iradien Arenan joko dute, eta bertan "sorpresa...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide