Donemiliagako Goldearen milurtekoaren urteurrena ospatzeko aldundiak prestatu duen De ferro de alaua erakusketa inauguratu dute gaur Arabako Artxiboan. Urriaren 31ra arte ikusi ahalko da Becerro Galicano bera zein bere testuinguruaren zein garrantziaren berri ematen duen beste hainbat elementu museografiko.
Aldundiak gaur gogora ekarri duenez, iberiar penintsulako Erdi Aroko kartulariorik garrantzitsuenetako bat da, tartean, IX. eta XI. mende artean kristau erreinuen hedapenaren gaineko jarraipena emateko aukera ematen baitu.
Kodex horretan dago, besteak beste, erakusketari izena ematen dion De ferro de alaua agiria: bertan Arabako 307 herrixkaren izenak ageri dira, Donemiliaga Kukulako monasterioari golde hortzetan zergak ordaintzen zizkiotelako.
Ana del Val Kultura diputatuak publikoki eskertu dio lagapena Jose Ramon Perez Saenz monasterioko prioreari, eta goraipatu du "arabar guztiekin izan duen eskuzabaltasun izugarria". Trukean, Del Valek Becerro Galicanoren bereizmen handiko digitalizazioa eman dio, San Millán de la Cogolla Fundazioan kontserbatzeko.
