Goizean goizeko lehen lanbroen ostean, zerua hodei gutxirekin geratuko da. Arratsaldean, ordea, hodeiak pilatzen hasiko dira, oso hodeitsu geratu arte. Are, ordu horietan zaparradaren bat bota dezake. Norabide aldakorreko haize ahula izango dugu, eta tenperaturak Gasteizen 7 eta 25 gradu artean egongo dira.
Asteburu luzeari begira, larunbat arratsaldea oso hodeitsu egongo da, eta zaparrada txikiak bota ditzake. Arratsaldearekin batera hodeiak gutxituko dira, ostarteak zabalduz. Patroi bera errepikatuko da igandean, hodeitsu eta euritsu esnatuko baita, baina arratsaldean berriro garbitzera egingo du. 7-8 eta 16 gradu arteko alde termikoa izango dugu. San Prudentzio egunari begira, berriz, Euskalmetek oraindik ez du iragarpenik egin, baina AEMETen arabera egun eguzkitsua izango da, 5 eta 22 gradu arteko alde termikoarekin.
