AURRERAPENA

Erroldatzeko zailtasunak eta Txusmi Saez, aste honetako ALEAn

Erredakzioa 2025ko urt. 30a, 09:00

ALEAren 441. zenbakian: Gasteizen gogortu diren erroldatzeko baldintzak, Txusmi Saez idazlea, Amado Martinez de Iturrate, Erriberabeitiko alkatea, Palestinarekin elkartasuna kirolean, elurzuloak Salva Velillarekin, Mitxel Elortza, Olaia Salazar eta Emaize.

  • SAKONEAN. Errolda duena bada. Udalak Gasteizko bizilagun guztiak erroldatzeko betebeharra du, baina salatu dute legez kanpoko oztopoak jartzen dituela bere barne protokoloan. Azken bost urteetan nabarmen gogortu dira erroldatzeko baldintzak hirian, eskatzaile askoren kaltetan.
  • PROTAGONISTA. Txusmi Saez, idazlea: "Idazle askoren akatsa da tematzen direla paperezko edizioekin". Hainbat thriller eta polizia eleberri argitaratu ditu idazle gasteiztarrak, eta autoedizioaren bidea hautatu du horretarako. Azken bi urteetan Negrasteiz jaialdiaren antolaketan buru-belarri ibilita, datozen urteotan ekimena finkatzeko lanean ari da.
  • IRUDITAN. Irudimenari atea, Zaramagako espaloietan.
  • POLITIKA. Amado Martinez de Iturrate, Erriberabeitiko alkatea: "Hirien zerbitzu emaileak izatera kondenatzen ari gara herriak". AHTak Ribabellosa "zokoratu" egingo duela salatu du alkateak, eta gaurko tren lasterraren ibilbidea birpentsatzea galdegin du.
  • GIZARTEA. Ezezkoa eman diote Maccabiri. 40 saskibaloi taldek eta 91 kirolari ezagunek sinatu dute Palestinarekin elkartasunaren manifestua, Gasteizko 65 eragilerekin batera. Maccabiren partida bertan behera uzteko eskatu dute.  
  • ONDAREA. Elurzuloek esateko dutena. Arabako Errioxan eta beste hainbat lekutan elurzuloek historikoki izan duten garrantzia azpimarratu du Salvador Velilla ikertzaileak. Garaiko bizimoduaz ez ezik, iraganeko klimaren berri ematen dute agiriek.
  • IRITZIA. Mitxel Elortza Exea, Olaia Salazar Urrutia eta Emaize.

 


Urtarrilaren 31tik otsailaren 6ra

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago