Sarria, Biloda, Zurbao eta Samaniego jaiotza bizidunak antzezten dituzten Arabako herri bakanetakoak dira. Antzezpen zaharrenak Sarria eta Samaniegokoak dira, aurten 50 eta 49 urte betetzen dituztenak.
Abenduaren 24an egingo dute Sarriako jaiotza, eta hilaren 25ean, berriz, Samaniegokoa. Biak izaten dira kaleko ikuskizunak, eta Samaniegoko kasuan umeak dira protagonista nagusiak. Dagoeneko 24 urte bete dituena Bilodako jaiotza biziduna da, abenduaren 21ean antzeztuko dutena, Olentzeroren laguntzarekin.
Berriena Zurbaoko da. Orain dela zazpi urte berreskuratu zuten tradizioa, eta iragan abenduaren 14an antzeztu zuten ehun bat lagunek.