ALEAren 358. zenbakian: Martiodako basa animalia zaurituak suspertzeko zentroari buruzko erreportajea; Edurne Begiristain kazetaria, Egunkariaren itxieratik Berria-ra; eta Alejo Moreno diseinatzaile grafikoa, argazkilaritza estenopeikoari buruz.
- Sakonean. Basabereen zaintza hazi egin da Martiodan. Habiatik behar baino lehenago jauzi egin zuten txiten kopurua nabarmen handitu zen 2022an; beroaldiek horretan eragina izan zuela uste dute. 1975. urtean martxan jarritako basa animalia zaurituak suspertzeko zentroak, zauritutako animaliak zaintzeaz gain, askotariko lanak egiten ditu. Jon Rejadoren erreportajea.
- Elkarrizketak:
- Edurne Begiristain, kazetaria: "Ate bat indarrez itxi ziguten, eta beste hamaika ireki ziren". Astelehenean hogei urte bete dira Del Olmo epailearen aginduz Euskaldunon Egunkaria itxi zutenetik. Garai hartan Gasteizko erredakzioan lanean zebilen Edurne Begiristainek gogoratu du nola jarri zioten zigilua kazetari, eta, herritarren babes zabalarekin, nola jarri zuten Berria abian. Anakoz Amenabarren elkarrizketa.
- Alejo Moreno Sainz, diseinatzaile grafikoa: "Eguzkigrafiak lortzerakoan, zoriak pisu garrantzitsua du". 50 megapixeleko sakelakoen garaian, argazki gehienek ezer gutxi esaten dute. Zulatutako freskagarri lata bat, paper fotosentikorra eta pazientzia nahikoa izan daitezke, ordea, denboraren inguruan asko esateko. Juanma Gallegoren elkarrizketa.
- Gaurkotasuna eta Hamaika Saltsa:
- Garraioa. Deskontu sistema berria egongo da: Herri arteko eta eskualdeko autobusetan "deskontu sistema progresibo" baterako egokitzapena egiteko, Aldundiak bost hilabeteko epea eman dio zerbitzuaren esklusibotasuna duen Indra enpresari.
- Martxoak 3. Argi berdea Memorialari: Memoriaguneari buruz instituzioek egin duten proposamenari behin betiko erantzuna eman dio Martxoak 3 elkarteak: hiru aldaketaren inguruko akordioa lotuta, elkarteak "itxitzat" eman du gaia.
- UAGA. Bi asmo aurrez aurre: Edurne Basterra eta Javier Briñas aurrez aurre izango dira UAGAko zuzendaritza batzorde berria aukeratzeko martxoan egingo diren hauteskundeetan. Aldaketa eta jarraitutasuna ordezkatzen dute.
- Heriotza. Uriren ahots grabea itzali da: Uri Ruiz Bikandi irakasle eta idazlea asteartean hil da. "Indartsua", "konprometitua" eta "kuriositate" handikoa zela gogoratu dute Amelia Barquin, Itziar Rekalde, Inma Ortega eta Belen Arrondo lagunek.
- Trebiñu. Galdutako bideak azaleratuz: Trebiñun antzina erabiltzen ziren sei ibilbide berreskuratu ditu udalak gida txiki batean. Momentuz eskuorri batean bildu dituzte, baina jasotako informazio osagarri guztia webgunera eramateko asmoa dute.
- Beste edukiak:
- Iritzia: Iñaki Lazkano, Egunero
- Sarean: #Egunkaria20urte
- Iruditan: Ehundu Gasteiz
- Zinema: Iker Zabala, Decision to leave
- Zozketak: Trebiñu Sagardotegia, Principal Antzokia eta Gorbeia Zinemak
- Euskararen Agenda: otsailaren 24tik martxoaren 2ra
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide