ALEAren 357. zenbakian, Indarra dantza taldearen 50. urteurrenari buruzko erreportajea, eta bi elkarrizketa: Kepa Menendez idazlea eta Josemi Colino Asafes elkarteko gizarte langilea.
- Sakonean. Sorginak eta akerrak, plaza berreskuratzera. 50 urte bete ditu Gasteizko Indarra dantza taldeak, eta urteurreneko ospakizunei hasiera emango die ostiralean, inauterien bezperan, Plaza Berrian eskainiko duten ikuskizunarekin; mende erdian bizitakoa gogoratuko dute inauterietako konpartsetako pertsonaia eta ikuskizunen pasarteekin. Anakoz Amenabarren erreportajea.
- Elkarrizketak:
- Kepa Menendez, idazlea: "Inspirazioa etorri ezean, aulkitik altxa eta listo; ez dut presiorik". Araban girotuta dago: bide bazterrean ikusitako tren geltokiek ordura arte ezagutzen ez zuen mundu bat deskubritzeko aukera eman zioten. Juanma Gallegoren elkarrizketa.
- Josemi Colino, Asafes elkarteko gizarte langilea: "Suizidak hil nahi duela uste dute nerabeek; eta mito bat da". Nerabeen suizidioa prebenitzeko gida aurkeztu du Asafes elkarteak, Vital Fundazioaren babesarekin. Ikastetxeetan zabalduko dute lana. Estitxu Ugarteren elkarrizketa.
- Gaurkotasuna eta Hamaika Saltsa:
- Politika. Bozketa giroa sumatzen da jada: Gero eta gertuago daude maiatzaren 28an izango diren foru eta udal hauteskundeak, eta alderdi gehienek beren hautagaitzak zehaztu dituzte dagoeneko. Ez da espero ezusteko handirik.
- Ondarea. Harriak baino ez Legardagutxin: XV. mendean, Mendozatarren menpe izan zen herriaren errota berreskuratzea aztertuko dute Arabako Batzar Nagusiek, EH Bilduren ekimenez. Historia luzea eta kanta ospetsua gorde ditu eraikinak.
- Beste edukiak:
- Iritzia: Txema Ramirez de la Piscina, Urbinako Atea
- Sarean: #Periferia
- Gutuna: Iñaki Etaio (Askapena), Monroe Doktrina 2.0
- Mitologia: Koldo Alijostes, Inauterien jaiaren jatorria
- Zozketak: Trebiñu Sagardotegia, Parral Taberna eta Florida Zinemak
- Euskararen Agenda: otsailaren 17tik 23ra
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide