Egunotan, neguko argazki lehiaketa antolatu dugu ALEAn, azken egunetako elurteek, izotzak eta hotzak Araban utzitako irudiak biltzeko asmoz. Urtarrilaren 18tik 29ra bitartean luzatu da Araba izoztua argazki lehiaketan parte hartzeko epea.
Guztira, Araba osoko 24 argazki jaso ditugu. Urte hasierak irudi zoragarriak utzi ditu gure lurraldean, eta, ALEAko lantaldearen partez, parte hartu duzuen guztioi eskerrak eman nahi dizkizuegu.
Orain, bi irabazleak aukeratzeko ordua iritsi da. Gailu bakoitzetik soilik hiru argazki aukeratu ahal izango dira, beraz, irudi guztiak ondo begiratu eta zure gustukoenak ganoraz hautatu. Boto gehien lortzen dituen argazkiaren egileak Errigorako saski bat eramango du, eta epaimahaiak aukeratutako beste irabazleak Arabako produktuez osatutako ALEA saski bat.
Epeak
- Bozketa epea otsailaren 7ra (12:00etan) bitartean zabalik egongo da. OHARRA: IP helbide bakoitzetik, hiru boto. Eta gogoratu hiru botoak markatu ostean "bozkatu" botoia sakatu behar duzuela beheko aldean.
- Irabazleak otsailaren 9an jakinaraziko dira, ALEA aldizkariaren ale berriarekin batera.