'Araba izoztua', neguko argazki lehiaketa

Urtarrilaren 18tik 29ra bitartean, argazki lehiaketa berria antolatuko dugu ALEAn, egunotako elurteek, izotzak eta hotzak Araban utzitako irudiak biltzeko asmoz. Gure komunitatearen kolaborazioa saritzeko, bi saski lortuko dituzte irabazleek.

Lehen elur maluten ostean, elurtua eta izoztuta esnatu da gaur Araba, eta datozen egunak ere antzekoak izango dira; edo, behintzat, elurrak arrastoa utziko du lurraldeko bazter guztietan. Negu zuria eta hotza iritsi da, baina horrek ere irudi eta paisaia zoragarriak utziko ditu.

Zuen kamararekin zein telefonoarekin harrapatu dituzuen irudi zoragarri horiek ikusi nahi ditugu. Horregatik, Araba Izoztua argazki lehiaketa berria antolatu dugu ALEAn.

Gainera, bi sari zoragarri banatuko ditugu parte hartzen duten lagunen bi argazki onenak saritzeko:

• Publikoaren saria (boto gehien lortzen dituen argazkia): Errigorako saski bat.

• Epaimahaiaren saria (ALEAko lantaldeak aukeratutako argazkia): ALEA saski bat, Arabako produktu paregabeez osatuta (ardoa, olioa, gatza, patea, ALEAren materiala, telazko poltsa bat...).

Ez izan lotsarik, etxean zein kalean klik egin, eta bidali zure argazkia.

Epeak

• Argazkiak bidaltzeko azken eguna urtarrilaren 29a izango da (23:59ak arte).

• Bozketa epea urtarrilaren 30etik otsailaren 7ra (12:00etan) bitartean zabalik egongo da: IP helbide bat, hiru boto.

• Irabazleak otsailaren 9an jakinaraziko dira, ALEA aldizkariaren ale berriarekin batera.