Hitzez ekiteko garaia heldu da eta, belarriprest edo ahobizi rolak hartuta, gogoz ekingo diote milaka herritarrek hastear dagoen Euskaraldiko edizio berriari. Ariketari ekiteko, ordea, norberaren rola identifikatzen duen txapa soinean eramatea beharrezkoa izango da.
Herri bakoitzeko batzordeak modu ezberdinean banatzen ari dira aipatutako txapak, eta herri bakoitzeko gune egokia zein den ezagutzeko mapa interaktiboa du Euskaraldiak. Mapa gainean, zure herria aukeratzea besterik ez duzu, eta bertan topatuko duzu txapa jasotzeko toki egokia zein den.
Bide batez, gogoratu oraindik ere izena eman ez baduzu, garaiz zaudela Euskaraldian parte-hartzeko. Aukeratu rola eta parte hartu aurtengo edizioan!
