ALEAren 338. zenbakian, Goiener kooperatibaren urratsak Araban, Erik Torrico eta Sheila Novoa gasteiztarren Tierras Insólitas bloga, eta Begoña Diaz de la Presa Arabako erlezainen elkarteko lehendakaria.
- Sakonean: Mundua bizi, eta besteei helarazi. Erik Torrico eta Sheila Novoa gasteiztarrek bidaiatzea dute gustuko, eta haien esperientziak nahi duen edonorekin partekatzen dituzte Tierras Insólitas blogaren bitartez. Bloga erreferentzia garrantzitsua bilakatu da bidaiarien artean, baita Araba ezagutarazteko ere. Juanma Gallegoren erreportajea.
- Elkarrizketak:
- Josu Pedruzo, Klaudia Lopez de Viñaspre eta Susana Cantero, Goienerreko kideak: "Gero eta argiago dugu burujabetza energetikoa beharrezkoa dugula". Nazioarteko krisiek eta prezioen igoerak baldintzatuta hasi du ikasturte berria Goiener energia berriztagarrien sorkuntza eta erosle kooperatibak. Merkatuetatik gero eta independenteago izatea dute jomuga, eta bidean, besteak beste, pobrezia energetikoari aurre egiteko lana izango dute. Anakoz Amenabarren elkarrizketa.
- Begoña Diaz de la Presa, Apialeko lehendakaria: "Erleek ez dute indarrik eztia egiteko". Eztiaren produkzioa erdira murriztuko da aurten Araban. Lehorteak eta barroasiak gogor kolpatu ditu herrialdeko erlezainak. Estitxu Ugarteren elkarrizketa.
- Gaurkotasuna eta Hamaika Saltsa:
- Arabako Errioxa. Mahats bilketak festa piztuko du: Irailean, Arabako Errioxan mahats bilketa orokortua dagoen momentuan hain zuzen, iritsiko da Lantziegora XXVI. Mahats Bilketaren Festa. Lantziegon egingo dute bigarrenez, hilaren 18an.
- Gasteiz. Hamar urteko green etiketa: Europako hiriburutza berdearen 10. urteurrena ospatzeko adituen kongresu bat eta herritarrei zuzendutako topaketa bat prestatu ditu Gasteizek. Tartean, hiriak "nola egin duen aurrera" aztertuko dute.
- Aiaraldea. 1936ra bueltatuko da Laudio: Espainiako Gerra Zibilak udalerrian izan zuen eragina antzeztuko dute 96 lagunek urriaren 1ean. Ermuko Andra Mariaren santutegiaren inguruan egingo duten berregiteak helburu didaktikoak ditu.
- Artium Museoa. Zuluetaren unibertso bitxia: Ivan Zulueta zine zuzendariari eskainitako erakusketa batekin ekingo dio Artium museoak datorren seihilekoari. Ondoren, Jutta Koether eta Rafael Lafuente artistek hartuko dute protagonismoa.
- Artziniega. Umezarora bidaia, 'click' batean: Artziniegako Museo Etnografikoan ikusgai dagoen Playmobilen erakusketaren epea luzatu dute, hilaren amaierara arte. Egiptoko faraoiak eta piratek XX. mendeko artziniegarrekin espazioa partekatzen dute.
- Beste edukiak:
- Iritzia: Txema Rramirez de la Piscina, Agur Euskaltel
- Sarean: #BoterearenEraztunak
- Iruditan: Euskal Herri "dekoloniala" aldarri
- Kalea Bizi: Iñaki Carretero, Spiderman, Spiderman
- Zozketak: Gorbeia zinemarako sarrerak eta Itsas behera antzezlana ikusteko sarrerak
- Euskararen Agenda: irailaren 9tik 15era
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide