Aurrerapena

Gasteizko jaietako ale berezia, aste honetako ALEAn

Erredakzioa 2022ko uzt. 28a, 08:00

ALEAren 336. zenbakian, Gasteizko jaiak: egitaraua, Arabako Gurutze Gorria, Txosna Batzordea, txupinazoa, pregoia, protokolo feminista, Zortzikoa, GEU Txosna, kirol jarduerak, bertsoak, haurrentzako jarduerak...

  • Egitaraua. Hiria, jaiak hasteko egarriz: 400 ekitaldi baino gehiago eskainiko ditu aurten Gasteizko jaietako programa ofizialak. Tanxugueiras, Izaro, Talco, Mikel Erentxun eta Rulo y la Contrabanda Foru plazan izango dira, eta Aihotz plazan Azido Folkloriko, Trikoma, Gozategi, Olatz Salvador, Harresian Zulo eta Neomak.
  • Elkarrizketak:
    • Jesus Cantero, Arabako Gurutze Gorriaren presidentea

    • Ruben Castillejo eta Aitziber Romero, Gasteizko Txosna Batzordeko kideak
  • Iruditan. Santiago: Festa leherrarazi dute blusek eta neskek
  • Txupinazoa. Arrakala gainditzeko txupina: Elena Loyo eta Ruth Brito kirolariek, Maria Jose Saez de Kortazar ostalariak, Jaione Prado merkatariak eta Arantza Navarro ikerlariak emango diote hasiera Gasteizko Andre Maria Zuriaren jaiei.
  • Pregoia. Fiestrasek emango du hasiera: FesTVal jaialdiko zuzendariak izango du abuztuaren 2ko pregoia emateko ardura. Hainbat hedabidetako kolaboratzailea ere bada, bereziki ikus-entzunezkoei eta gastronomiari lotutako gaietan.
  • Protokolo feminista. Kultur ekitaldietan ere, libre: Eraso sexistarik gabeko kultur guneetarako gomendioen gida aurkeztu du Emakundek, "erasoen mehatxuak ez dezala emakumeen askatasuna mugatu, ezta kulturaren arloan ere".
  • Jai jasangarriak. Plastikoa, baina berrerabilgarri: Jaietan erabilera bakarreko plastikoa edota beira alde batera uzteko hainbat kanpaina martxan dira hirian. Behin baino gehiagotan erabili ahalko diren edalontzien erabilera sustatu nahi dute horiekin.
  • Historia. 75 urte bete ditu txupinazoak: Goiuri plazatxoa, udaletxeko galeria eta San Migeleko balkoia; toki horietatik guztietatik jaurti dute azken urteetan Gasteizko jaiak iragartzen duen suziria. Alkateen pribilegioa zena, egun, herritarren esku dago.
  • Zortzikoa: alai eta dotore. Arabako Zortziko berezia dantzatzen dute urtero abuztuaren 5ean, udaletxearen aurrean. Indarra Euskal Kultur Elkarteak berreskuratutako dantza da, duela mende bat idatzitako testigantzetan abiatuta.
  • GEU Txosna. Loraldia ospatuko du GEUk: Aurten Aihotz plazara itzuliko da GEU Elkartearen txosna; abuztuaren 3an inauguratuko dute Aitor Vinagret, Ane Gebara, Azido Folkloriko eta Trikoma taldearekin kontatuko duen jaialdi batekin.
  • Kirol jarduerak. Foru plazan, kirola eskuetan: Gasteizko Foru plazan bilduko dira jaietako kirol jarduera gehienak. Emakumezkoen pilotan, finalerdiak jokatu dira honezkero, eta azken finalaren zain daude orain zaletuak. Herri kirolak ere izango dira plazan.
  • Bertsolaritza. Arabako Bertsozale Elkartea, Plazara bueltan
  • Haurrentzako jarduerak. Mundua beraiena izango da: Naturaren mirariak: oinordetza genetikoa ziurtatzeko aparteko ahaleginak egiten dituzte gurasoek, berdin puzgarrien aurrean errenkada gordez, barraken oihanean amilduz zein disko-festetan askatuz.
  • Iritzia.
    • Julen Diaz de Argote, Hiru urte eta gero...
    • Gasteizko Mugimendu Feminista, Jai feministen alde
  • Agenda: Araiako Umore Antzerki Jaialdia, Arabako Errioxako Esferica jaialdia, Laudio eta Amurrioko jaiak, eta Falerinako Belar Sounds musika zikloa.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide