Euneiz martxan jartzeko baimena eman du Jaurlaritzak

Unibertsitate pribatuak irailean eman nahi ditu lehen klaseak. ALEA

Unibertsitate pribatuak Espainiako Hezkuntza ministerioaren oniritzia jaso behar du orain.

Eusko Jaurlaritzako Hezkuntza Sailak Euneiz unibertsitate pribatuaren jarduera hasteko baimena eman du, erakunde publikoak gaur ezagutarazi duenez. 

Unibasq Euskal Unibertsitate Sistemaren Kalitate Agentziak unibertsitate pribatuak proposatutako titulazioak eta baliabide propioei buruz eskatutako informazioa aztertu ditu, eta aldeko txostena eman du.

Abiatu baino lehen, Espainiako Gobernuaren menpekoa den Unibertsitate Kontseiluak berretsi beharko ditu aurkeztutako titulazioak.

2022-2023 ikasturtean martxan jarri nahi dute unibertsitatea, titulazio hauekin: Jarduera Fisikoaren eta Kirolaren Zientziak, Fisioterapia, Multimedia, eta  Entretenimenduaren Industriarako Musika eta Soinu Ekoizpena.

Erlazionatuak

Euneiz unibertsitateari argi berdea eman dio Eusko Legebiltzarrak

Araba

Eusko Legebiltzarrak behin betiko onartu du Euneiz unibertsitate pribatua 2022an irekitzea ahalbidetuko duen legea. Sindikatuek protesta egin dute ...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide