Talde handien artean mugimenduak nagusi diren bitartean, Zurbaoko bulegoetan erritmo apalagoan ari dira datorren denboraldiko jokalari multzoa egituratzen.
Momentuz, Peñarroya entrenatzailearen ostean, bi jokalariren fitxaketa bakarrik iragarri du Baskoniak. Lehena, Daulton Hommes hegal-pibota izan eta, azken orduetako zurrumurruak baieztatuz, taldeak Markus Howard joko antolatzaile txikiarekin kontratua sinatu berri duela adierazi du.
Estatubatuarra saskiratzaile petoa da. Garaieraz baxua bada ere (1,78m), bere joko biziari esker barneraketak egitea du gustoko eta zenbait adituk Shane Larkin antolatzailearen estiloa ekarri dute gogora.
Azken bi denboraldiak NBAko Denver Nuggets taldean eman ditu eta lehen esperientzia izango du Europan. Joko estilora egokitzeko denbora beharko du antolatzaile berriak, baina Baldwinek taldean utzi ostean, talde gasteiztarraren erasoko jokoa bere gidaritzapean gauzatu beharko du taldeak.
⛹️ Mutil berria bulegoan 🔝
— Baskonia (@BaskoniaEUS) July 17, 2022
🎥 Horrela jokatzen du @markushoward11-ek!#GoazenBaskonia pic.twitter.com/S99VrE9PzL