Cansat lehiaketaren barruan Granadan egin den Espainia mailako finalean Lorpen Tekniko onenaren saria eskuratu du Gasteizko Koldo Mitxelena ikastetxeko taldeak.
Ikasleek Moxie izeneko satelitea bota dute gaur, ESO Europako Espazio Agentziak martxan duen proiektuaren baitan. Ondoren, jasotako emaitzen berri eman dute gainerako parte hartzaileen eta epaileen aurrean.
Terrassako Hermes taldea izan da estatu mailan gailendu dena, eta Bolonian (Italia) izango den Europa mailako finalera joango dena.
Lehiaketa horretan, ikasleek freskagarri lata baten tamainako satelite bat diseinatu eta eraiki behar dute. Satelitea suziri batean sartzen dute gero, eta, horrela, kilometro inguruko altuera hartzen du. Ondoren egindako jauzialdian satelite txikiak hainbat datu hartu behar ditu, eta ikasleak horiek interpretatu eta azaltzeko gai izan behar dira.
