"Urte eta erdi boloz bolo igaro ondoren, bada garaia gelditzeko, hausnartzeko. Etenaldi luzea egingo dugu", iragarri du Haizeatxok sare sozialetan. Aurretik, baina, bere azken kontzertua eskainiko du larunbat honetan 21:30ean Gasteizko Gaztetxean, euskal presoekiko elkartasunez antolatutako All in da House rap jaialdiaren barruan, Ningra, X eta 34º kideekin.
Beraiekin batera, Araba zein Euskal Herriko rap eszenako zein bertsolaritzako izen ugari igaroko dira Muinoko Etxearen oholtzatik, kontzertu zein freestyle txapelketan: besteak beste, Markes Iraizoz, Pastor, Allexhited, Amaia, DJ Xerula Radikata, Odei Barroso, Yoller, Raperu, Paula Amilburu, Iñaki Viñaspre eta Izar Mendiguren.
