Gorka Oriveren lana aitortu du Iberoamerikako Farmazia Akademiak

Gorka Orive ikertzailea. ALEA

Ikertzaileak adierazi du erakunde horren saria jasotzeak "izugarrizko motibazioa" dela ikertzen jarraitzeko, eta harekin batera lanean ari direnen lana nabarmendu nahi izan du.

Iberoamerikako Farmazia Akademiak Gorka Orive ikertzaile arabarraren ibilbidea saritu du, diziplina horretan egindako ekarpenak aitortuz. Orivek atzo jaso zuen saria, Granadan ekindako ekitaldi batean.

"Horrelako sari bat jasotzea izugarriko motibazioa da lanean jarraitzeko", adierazi du EHUko Farmazia irakasleak. Abagunea baliatu du ere aitortzeko harekin lanean ari diren ikertzaileen ekarpena. "Doktoretza tesirako jardunean ari direnak, esaterako, izugarrizko lana egiten ari dira".

Orivek hainbat ikerketa lerrotan ikertzen dihardu, eta pandemiaren hasieratik zientzia dibulgazioan buru-belarri ibili da, Covid-19aren inguruko adierazle desberdinen analisiak eginez, eta horiek hitz xumeetara eramanez. 

Irakakuntzaz eta dibulgazioaz gain, proiektu askotan dabil. Unax Lertxundi ikertzailearekin batera, botikek eragiten duten kutsadura arintzeko formulak bilatzen ari dira. Alzheimerraren detekzio goiztiarra ahalbidetzea helburu duen Geroa Diagnostics izeneko enpresa ere bultzatu du, listu lagin baten bitartez gaitza ahalik eta lasterren aurkitu eta tratatzeko helburuarekin.

Gorka Orive, saria jasotzeko ekitaldian. G.ORIVE
Erlazionatuak

"Historikoa izan da hainbeste txerto potentzial garatzea"

Araba

Covid-19aren krisiak bete-betean mundua jo duen honetan, zientziak izandako rol nabarmena azpimarratu du ikertzaileak. Pandemiari ahalik eta hobere...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide