Azkenean bai, Eusko Jaurlaritzak helegitea jarriko du Auzitegi Gorenean, EAEko Justizia Auzitegi Nagusiak ostalaritzan Covid-19 ziurtagiria ezartzearen aurka hartutako erabakiaren aurrean.
Eusko Jaurlaritzak ziurtatu du Covid pasaportea ezartzeko "aukera guztiak" agortuko dituela, eta pandemiaren bilakaeran izandako gorakadari aurre egiteko neurri gisa defendatu du zenbait kasutan: gaueko aisialdian, ekitaldi jendetsuetan, ostalaritza establezimendu batzuetan edo 50 lagunetik gorako edukiera duten jatetxeetara sartzeko, besteak beste.
Covid-19 ziurtagiria Osakidetzaren webgunean edo Zuzenean zerbitzuko bulegoetan eskuratu daiteke, eta hiru egoera aurreikusten ditu: txertoen ibilbidea osatuta izatea, azken sei hilabeteetan gaixotasuna gainditu izana, azken 48 orduetan antigenoen proban negatibo eman izana edota azken 72 orduetan PCR proban negatibo eman izana.
Une honetan, Ipar Euskal Herrian edo Espainiako Estatuko hainbat erkidegotan —Galizian, Katalunian eta Balearretan, adibidez— ziurtagiriaren derrigortasuna indarrean dago.
