Urtarrilean Forque saria irabazi ostean, Patricia Lopez Arnaizek (Gasteiz, 1981) Feroz saria irabazi du. Orain, larunbatean ospatzekoak diren Goya sarietan emakumezko aktore onenaren saria lortzeko kiniela guztietan dago, Ane pelikulan egindako paper indartsuagatik.
Bestalde, Koldo Uriartek (Araia, 1976) eta Bingen Mendizabalek (Gasteiz, 1962) irabazi dute jatorrizko musika onenaren saria, Juanma Bajo Ulloaren Baby pelikularen soinu-bandagatik.
Ane filmak izendapen gehiago zituen Feroz Sarietarako: gidoi onenaren saria eta pelikula dramatiko onenaren saria. Baina azkenean ez ditu lortu.
Preciosas palabras de Patricia López Arnáiz, mejor actriz por ‘Ane’, dedicadas a los críticos e informadores cinematográficos: “los que llenan de poesía nuestro trabajo”. #Feroz2021 pic.twitter.com/4swq8QNrNN
— Cine con Ñ (@cine_conene) March 2, 2021
Y el premio a mejor música original va para...¡Baby! #Feroz2021 por Koldo Uriarte y Bingen Mendizabal pic.twitter.com/c50xASOrDO
— Premios Feroz (@PremiosFeroz) March 2, 2021
Goya Sariak, larunbatean
Arabako zinemagintzak zazpi izendapen ditu martxoaren 6an telematikoki ospatuko diren Goya Sarietarako:
- Ane filmak bost hautagaitza ditu:
- Film onena: Amania Films.
- Gidoi egokitu onena: David Perez Sañudo eta Marina Pares.
- Zuzendari nobel onena: David Perez Sañudo.
- Emakumezko aktore onena: Patricia Lopez Arnaiz.
- Emakumezko errebelazio aktore onena: Jone Laspiur.
???? #Ane vista desde el interior…¡Os traemos el making of con Patricia López Arnáiz hablando sobre su personaje, Lide! Patricia es Candidata en los Goya a Mejor actriz protagonista.????????
— ANE (@anethefilm) December 26, 2020
Muy interesante, ¡Echadle un ojo! pic.twitter.com/U1JI7nTL1v
- Baby filmak bi hautagaitza ditu:
- Zuzendari onena: Juanma Bajo Ulloa.
- Jatorrizko musika onena: Bingen Mendizabal eta Koldo Uriarte.
Bi film nagusi horiez gain, Arabako SEADen Lagunen Elkarteko kide Olatz Alonso gasteiztarra dokumental onenaren kategorian lehiatuko den Solo son peces dokumentalean ekoizle gisa aritu da. Ana Sernak eta Paula Iglesiasek zuzendutako dokumental labur horrek saharar errefuxiatuen kanpamenduetan arrain-haztegi batean lan egiten duten hiru biologoen istorioa kontatzen du.