Emakumezko aktore onenaren Forqué saria jaso du Patricia Lopez Arnaizek (Gasteiz, 1981), David Perez Sañudoren 'Ane' pelikulan egindako lanagatik. Andrea Fandos (Las niñas), Kiti Manver (El incoveniente) eta Candela Peñarekin (La boda de Rosa) izan du lehia Espainiako zinemaren sarien 26. edizioan.
Lopez Arnaizek zuzendariari eta Marina Pares gidoigileari eskertu nahi izan die egindako lana, eta pelikula hari eskaini izana: "Aktore batentzat pozik handiena gidoi on bat jasotzea da, eta horregatik haiei eskeini nahi diet sari hau".
Lide (Lopez Arnaiz) Gasteizen bizi den ama banandua da. Etxebizitza batzuk desjabetu direnean istiluak izan dira auzoan, eta Ane alaba nerabeak ez duela gaua etxean igaro jakingo du. Haren bila hastea erabakiko du protagonistak. Patricia Lopez Arnaizekin batera, pelikulan, besteak beste, Mikel Losada, Jone Laspiur, Nagore Aranburu eta Aia Kruse aktoreek ere parte hartu dute.
