Astebetean 153 isun jarri dituzte Iturritxu kalean

Hainbat radar jarri dituzte inguruan. / Alea

Trafikoa baretzeak eta radarrak tarte horretan abiadura jaistea lortu dute.

Astebetean 153 gidariri isuna jarri diete Gasteizko Iturritxu kalean, SER irratiak jakinarazi duenez. Gehiegizko abiaduragatik jarri dituzte, noranzkoetako bat zabaldu eta Udalak radarrak jarri eta gero. Udala isun horiek izapidetzen ari da.

Abenduaren azkeneko astean aktibatu zituzten radar horiek, eta aste horretan 153 ibilgailu salatu zituzten. Une honetan ezin da orduko 30 kilometro baino gehiagora gidatu; isuna jaso dutenen arteko lauk baino ez dute 60 kilometro orduko abiadura gainditu.

Datuek erakusten duten moduan, trafikoa baretzeak eta radarrak egoteak tarte horretan abiadura jaistea lortu dute. Gasteizko Udalak ikastetxeen tartean egindako azken neurketen arabera, ibilgailuen %95 orduko 40 kilometrotik behera ibiltzen da.

 

Erlazionatuak

Auzokideek Iturritxuko hirugarren erreiaren aurkako jarrera berretsi dute

Gasteiz

Proposamen zehatzak helaraziko dizkiote Udalari.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide