Mapa

Euskaraldiko txapak jasotzeko unea iritsi da

Ohiko txapa banaketari ekin dio Euskaraldiak. / EUSKARALDIA

Bi aste baino gutxiago geratzen da Euskaraldiari hasiera emateko, eta ariketan parte hartuko duten lagunen identifikagarria izango den txapa jasotzeko momentua heldu da.

Azaroaren 20an hasiko da Euskaraldiaren bigarren edizioa, eta Ahobizi zein Belarriprest gisa arituko den pertsona bakoitzak, izena ematerakoan, txapa jasotzeko udalerri bat hautatu du. Hurrengo bi asteetan txapa horien banaketa egiteko leku eta egun zehatzak plazaratu ditu udalerri bakoitzeko Euskaraldiko batzordeak.

Zure udalerrian txapak non eta noiz banatuko diren jakin nahi duzu? Euskaraldiak martxan jarri duen mapa honetan ikusi ahal izango duzue zure udalerriaren gainean klik bat eginda. Informazio zehatza ez badago, bertan topatuko duzue herri batzordeko kontaktua, zuzenean galdetu ahal izateko.

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide