Euskararen Agenda

Euskararen normalizaziorako gakoak

Erredakzioa 2020ko urr. 26a, 12:00
Oihanederrek eta UEUk antolatzen dute 'Soziolinguistika hiztegi txikia' ikastaroa. / ALEA

Seigarren urtea du Oihaneder Euskararen Etxeak, UEUrekin batera, Soziolinguistika hiztegi txikia ikastaroak antolatzen dituena. Urriaren 27an, Zuriñe Gojenola Goitiak eta Aintzane Toledo Lardik euren lanak aurkeztuko dituzte.

Euskararen egoera soziolinguistikoa aztertzen duten ikastaroen aurtengo edizioan, Hiznet Hizkuntza Plangintza Graduondoko ikerketa-lanetara jo dute, eta iazko parte-hartzaileei beren ikerketa-lanak aurkeztea proposatu.

Lau saiotan antolatuta (motibazioa, jarrera, testuingurua eta aktibazioa), euskararen normalizazioan eragiten duten zortzi gakoren inguruan hausnartzeko aukera ematen du. Saioak hileko azken astearteetan izango dira 19:00etatik 20:30era bitartean.

Urriko saio honetan Zuriñe Gojenola Goitia eta Aintzane Toledo Lardik aurkeztuko dituzte testuinguruaren bueltako lanak. Urriaren 27an izango da, 19:00etan.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide