Enargiren xedea energia berriztagarriak ekoiztea izango da: hidraulikoak, eolikoak, eguzki energia termikoak, fotovoltaikoak edo biomasatik eratorritakoak. "Gainera, Enargik kudeatuko ditu Arabako Foru Aldundiak energia berriztagarrien ekoizpenaren alorrean eskuratzen dituen eta bere ondareari eransten dizkion aktiboak".
Arabako Foru Aldundiaren gobernu kontseiluak gaur hartu du sozietate publiko berri hori eratzeko erabakia, "Araban, iturri berriztagarrietatik eratorritako energia ekoizten duten instalazioak sustatu, eraiki eta ustiatzeko". Enargi Araba S.Aren kapital sozial guztiaren titularra Diputazioa da, eta Josean Galera Ingurumen eta Hirigintza Saileko foru diputatua izango du lehendakari.
Ramiro Gonzalez ahaldun nagusiak azaldu duenez, ekonomia suspertzeko Plan-A izeneko planaren barruan dago elkartearen sorrera, "eta Armiñongo Ekienea eguzki-parke berrian partaidetza kudeatzea aurreikusten du".
