Arabako foru egoitzetan ez dago Covid-19 positiborik

Ramiro Gonzalezek Lakua foru egoitza bisitatu du astelehen honetan. / AFA

Ramiro Gonzalezek jakinarazi duenez, foru egoitzetan ez dago gaixorik, ez egoiliarren artean, ezta langileen artean ere. Egoitza pribatuetan, ordea, 11 egoiliar dira oraindik positibo Covid-19an.

Arabako diputatu nagusi Ramiro Gonzalez eta Emilio Sola Gizarte Politiken Saileko foru diputatua adinekoen Lakua foru egoitzara joan dira astelehen honetan, senideen bisitak berriz hartzen hasi diren egunean.

Egoiliarrak, senideak eta topaketak egiten ari ziren langileak agurtu ondoren, Gonzalezek jakinarazi du foru sarea osatzen duten hamaika egoitzetan ez dagoela Covid-19 positiborik, martxoaren 24tik lehendabiziko aldiz. Hala ere, gutxi badira ere, egoitza pribatuetan 11 egoiliar positibo dira oraindik ere.

Senideen eta egoiliarren arteko topaketak aste honetan hasi dira berriz ere, segurtasun eta higiene neurri bereziekin. Izan ere, diputatu nagusiaren arabera, bisitak "beharrezkoak" badira ere, lehentasuna erabiltzaileen, senideen eta langileen osasuna babestea da, eta "inor ez kutsatzea".

Era berean, eskerrak eman dizkie erabiltzaileei, senideei, eta egoitzako langileei, egoera benetan gogorra izan dela onartuz.

Erlazionatuak

Senideek egoitzetan bizi diren adinekoei bisitak egiteko aukera berreskuratu dute

Araba

Astelehenetik aurrera, Araba osoko egoitzetan bizi diren adinekoak bisitatzen utziko die Foru Aldundiak senideei, baina segurtasun eta higiene neur...

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide