Lehiaketa

'(Des)konfinamendua argituz' bideo lehiaketa, egoerari irudimenez aurre egiteko

Maiatzaren 19tik ekainaren 12ra bitartean, (Des)konfinamendua argituz bideo lehiaketa antolatuko dugu ALEAn, egoerari irudimenez aurre egiteko asmoarekin.

Burura etortzen zaizun istorio bat kontatu edo istoriorik gabeko ikus-entzunezko edozein sorkuntza osatu, eta elkarbanatu ezazu ALEAkide guztiekin.

Gaia eta formatua irekia da, baina gutxieneko irizpide batzuk zehaztu ditugu, abiapuntu bat izateko:

  • Iraupena: 1-10 minutu bitartean.
  • Gaia: (des)konfinamendua.
  • Hizkuntza: hitzik badago, euskaraz.
  • Formatua: horizontalean grabatuta.
  • Objektu bat: bonbilla bat agertu behar da.
  • Askatasun osoa duzu, betiere gutxieneko irizpideak errespetatuz.

Gainera, bi sari zoragarri banatuko ditugu irabazleen artean:

  • Errigorako saski bat | ALEAkideen saria: erabiltzaileen artean boto gehien jasotzen duen bideoa. Irabazlearen aukeraketa boto ireki bidez egingo da, adierazitako epean; edozein herritarrek izango du botoa emateko aukera alea.eus webgunearen bitartez, eta parte-hartzaile bakoitzak hiru bideo aukeratu ahal izango ditu.
  • GoPro motako kamera | Epaimahaiaren saria: ALEAko lantaldeak  bideo bat aukeratuko du parte-hartzaile guztien artean.

Ez izan lotsarik, irudimena eta sormena erabili eta bidali zure bideoa.

Inspirazioa behar izanez gero, hona hemen ideiak hartzeko proposamena: Uribe Kostako Hiruka tokiko hedabideak antolatutako film laburren lehiaketa.

Epeak

  • Bideoak bidaltzeko azken eguna ekainaren 12a izango da (12:00ak arte).
    • Parte-hartzaile edo talde bakoitzak YouTubera igo behar du bideoa.
    • Ondoren, formularioa bete eta YouTubeko url-a txertatu bertan.
    • "Tokimedia kodea" bete gabe utzi.
  • Bozketa epea ekainaren 12tik 19ra (12:00etan) bitartean zabalik egongo da.
  • Irabazleak ekainaren 19an jakinaraziko dira, ALEA aldizkariaren ale berriarekin batera.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide