Sarean

#Zozketa

Beatriz Artolazabal eta Bingen Zupiria Eusko Jaurlaritzako sailburuak. / IREKIA

Eusko Jaurlaritzak kulturgileen artean banatuko dituen diru-laguntza berezien eskariak zer ordenatan aztertuko dituen zozketa bidez erabakiko duela jakinarazi du.

Kultur profesionalek maiatzaren 12tik aurrera eska ditzakete laguntza bereziak; hamar eguneko epea amaitzean, eskaera bakoitzari zenbaki bat emango diote, eta Jaurlaritzak zozketa bidez erabakiko du horiek zer ordenatan aztertu.

Eskabide bakoitzari zenbaki bat esleitu eta zozketa egingo dute: "Eskabideak orden horretan aztertu, eta deialdiko baldintzak betetzen dituzten guztiak esleituko dira, haiek finantzatzeko funtsak agortu artean". 2,5 milioi euro bideratuko dira 950 eta 1.200 euroko diru-laguntzetan.

Ohiko prozedura bada ere, hasiera batean nahasmena sortu eta polemika piztu zuen sare sozialetan zozketaren kontzeptuak.

"Argi dago diru-laguntzak ez direla zozketa bidez adjudikatuko. Kontua da nondik hasi eskaerak aztertzen, eta egoki aurkeztu bada, nondik hasi ordaintzen", argitu du Joxean Muñoz Kultura sailburuordeak: "Lehen iritsi den eskaeratik hasteak logikoa dirudi, baina guk eragozpen handiak ikusten genizkion sistema horri. Denbora eman nahi diogu jendeari bere eskaerak prestatu ditzan". 

Astero bezala, euskarazko txio onenetako batzuk jaso ditugu ALEAn:

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide