Barruan daramazun gozogilea atera duzu konfinamendu egun hauetan? Egun ezin hobeak ditugu aurretik bizkotxo, tarta, madalena, postre eta bestelako gozoak egiteko.
Gainera, bi sari zoragarri banatuko ditugu irabazleen artean: Artepaneko produktuen bi sorta:
- ALEAkideen saria: erabiltzaileen artean boto gehien jasotzen duen argazkia. Irabazlearen aukeraketa boto ireki bidez egingo da, adierazitako epean; edozein herritarrek izango du botoa emateko aukera alea.eus webgunearen bitartez, eta parte-hartzaile bakoitzak hiru argazki aukeratu ahal izango ditu.
- Epaimahaiaren saria: Artepaneko gozogileek parte-hartzaile guztien artean argazki bat aukeratuko dute.
Ez izan lotsarik eta bidali etxean egindako gozoen argazki eder horiek.
Epeak
- Argazkiak bidaltzeko azken eguna apirilaren 17a izango da.
- Bozketa epea apirilaren 18tik 22ra (12:00etan) bitartean zabalik egongo da.
- Irabazleak apirilaren 23an jakinaraziko dira, ALEA aldizkariaren ale berriarekin batera.
Artepanek babestu du lehiaketa: epaimahaia osatu eta bi sari banatuko ditu. Horrez gain, Txema Pascual ere bizkotxoa egitera animatu da.