Azken datuak

Araba: pandemiaren unerik okerrenaren atarian

Txagorritxuko kanpo kontsulten eraikina gaitzen ari dira krisiari aurre egiteko. / IREKIA

Datu ofizialen arabera, azken 24 orduetan 121 kasu positibo gehiago antzeman dituzte gure herrialdean: dagoeneko 1.207 pertsona kutsatu ditu eta 81 hildako eragin ditu koronabirusak Araban.

Guztira 310 lagun ingresatuta daude Arabako Unibertsitate Ospitalean; horietatik, 274 daude solairuetan eta 36 ZIUn. Azken 24 orduetan zortzi pertsona gehiago hil dira, eta dagoeneko 81 arabar dira koronabirusarekin hildakoak.

Bitartean, datu baikorragoei erreparatuz, 48 alta gehiago egon dira azken orduetan, eta bi pertsona atera dira ZIUtik, Osakidetzak eguneratutako datuen arabera. Izan ere, asteartean baino 34 pertsona gutxiago daude koronabirusagatik ingresatuta.

Koronabirusaren datuen bilakaera Araban. / ALEA

 

Arabako positiboak herriz herri

Koronabirusak Arabako udalerrietan eragindako kasu positiboen datuak ere jaso ditugu, herriz herri:

  • Gasteiz: 977.
  • Bastida: 21.
  • Laudio: 18.
  • Amurrio: 12.
  • Iruña Oka: 11.
  • Aiara: 6.
  • Agurain: 6.
  • Dulantzi: 5.
  • Kanpezu: 5.
  • Legutio: 5.
  • Oion: 5.
  • Samaniego: 5.
  • Zuia: 5.
  • Artziniega: 3.
  • Barrundia: 3.
  • Donemiliaga: 3.
  • Urkabustaiz: 3.
  • Zigoitia: 3.
  • Arratzua-Ubarrundia: 2.
  • Bernedo: 2.
  • Burgu: 2.
  • Aramaio: 1.
  • Arraia-Maeztu: 1.
  • Asparrena: 1.
  • Berantevilla: 1.
  • Eltziego: 1.
  • Erriberabeitia: 1.
  • Guardia: 1.
  • Mañueta: 1.

Unerik okerrena gertu

Euskal Herria eta Espainia pandemiaren unerik okerrenera hurbiltzen ari dira, datuen goranzko joerak adierazten duen bezala.

EAEaren kasuan, kutsatzeak areagotu egin dira azken 24 orduetan: 3.271 kasu positibo eta 22 hildako gehiago, egun bakarrean. Guztira, 155 pertsona hil dira.

Datu orokorren kasuan, aurreikuspenak latzak dira: Espainiak Txina gainditu du koronabirusak eragindako heriotzetan (3.434 dagoeneko), eta 8.000 kutsatu gehiago baieztatu ditu egun bakarrean; guztira, kutsatutako 47.610 pertsona daude estatu osoan.

Erlazionatuak

Lakua Hotelean artatuko dituzte koronabirus gaixoak

Gasteiz

Sintomarik ez duten edo sendatze bidean dauden gaixoak eramango dituzte bertara.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide