Otsoaren erasoek jarraitzen dute, Aldundiak ehiza etenda mantentzen duen bitartean. Joan den astean lau eraso izan ziren, hildako beste hainbeste animaliarekin.
Animalia hiltzeko itxaronaldiak egiteko baimen forala ostiralean iraungi zen, baina oraindik ez da epearen balizko luzatzeari buruzko erabakirik hartu.
Azken hilabeteetan abeltzainek egindako kexen ondoren baimendu zuen Aldundiak otsoaren ehiza, Arkamo, Gibijo eta Urkabustaiz mendietan abereei egindako erasoengatik. 2019an 300 animalia baino gehiago hil edo zauritu ziren otsoen erasoengatik.
Hala ere, Eusko Jaurlaritzak animalia espezie mehatxatuen katalogoan sartzeko hartutako erabakiaren ondorioz, Aldundia egoera berria aztertzen ari da otsailaren hasieratik.
