Otsailaren 3an abiatu zen Egunean Behin jokoaren hirugarren denboraldia, eta gaur egun 60.000 lagunetik gora parte hartzen ari dira CodeSyntax enpresak garatutako euskarazko aplikazioan.
Proiektuaren inguruko komunitatea biltzeko eta astean behin sari bat banatzeko aukera ireki nahi dute ALEAk eta GEUk, eta horregatik, dagoeneko martxan da ALEAkideak taldea:
- Taldean parte hartzeko eta sariak irabazteko ez da beharrezkoa GEUren edota ALEAren bazkide izatea; hau da, edonork parte hartu dezake.
- Aste bakoitzean taldeko lehen postuan geratzen denak irabaziko du saria.
- Asteko irabazlearen ardura izango da GEU elkartearekin harremanetan jartzea astelehenean, info@geuelkartea.eus helbide elektronikoaren bitartez.
- Saria astez aste iragarriko da, astelehenero.
Otsailaren 17tik 23ra: CD sorta bat irabaziko du bigarren asteko irabazleak.